咖啡空間

营业中

休息中

以我认知，如果要揾间大小小嘅coffee shop可能要岀湾仔西环𠮶面。估唔到系北角竟然都有空间比较大嘅coffee shop😨 真系啱哂可能要倾project或者要赶assignment嘅人。 我地当日嚟座无虚席（后尾坐晏咗😂），再加埋假日夜晚嚟仲有歌手表演live，几好气氛。 有几part文靑嘅area，有得睇下精品同欣赏下艺术品，同推广紧一啲活动。估唔到嚟食野都咁多野睇同玩，好似去咗活动中心咁😂😀 开放式厨房，显得空间好大。同因为餐厅重点promote 咖啡，所以一面冲，咖啡嘅香气就会布满整间餐厅～ 主餐食得唔多，叫咗一个法式烟鸭胸沙律配日式柚子醋。虽然系沙律，但系分量算多，其实好饱肚。食材好fresh，再加柚子醋好醒胃。啱哂要温书但唔想食主食𠮶时试。 另外主要想试试咖啡，叫咗一杯flat white😛 拉花好靓呀，饮落充满满嘅奶香。夜晚试啲soft啲，听闻咖啡师识冲啲特别小小嘅咖啡，下次再嚟试。