大漁屋台 (已結業)

都好似好耐冇食过日本野，尤其是系鱼生丼都好钟意食但系比较少食谂返起以前去唱K都有得食。你九龙湾就嚟得多不过真系冇嚟过九龙湾呢个地方，系比较少人去啰。可能系屋村少少，就唔系邻近咩大型商场但系其实我都觉得地点可以接受到，其实可以去，可能仲揾到隐世珍宝。我哋就一人带咗一个鱼生丼。我要左B餐，先系上咗拖罗蓉手卷，个拖罗都有几多，唔错。系几鲜味嘅。配埋啲香葱更加可以提升新鲜度。刺身有三文鱼油甘鱼同埋帆立贝各两件。我觉得几好因为有几款配搭，咁就可以冇咁闷，又可以送饭。之后仲有个杂锦天妇罗添。仲有成四款添，南瓜，番薯，海老同茄子。个番薯都几甜。另外我几钟意佢𠮶个荞麦面，因为佢啲面就系几有咬口，特别有韧劲，食落唔同普通嘅面。仲有个炖蛋摆到最后先食都保持到热力，特别嘅系佢入边有粒白果，不过有少少苦。同埋仲有啲鸡肉添。不过我觉得d食物可以再俾多少少惊喜。其实我几钟意餐厅嘅设计，几有日本感觉，即使是小店。如果系七点前入席仲可以有九折。其实即系免左加一服务费。早啲食仲健康啦！