小時光 (已結業)

今日虾子饼喺呢头工作，同佢去观塘工厦食饭，上openrice search 下，就拣呢间!地点都唔难揾!我地经停车场行上1楼。入到去装修全部都系古旧鉄窗，加上枱枱櫈櫈全部旧木，“小学时返学就系坐呢啲櫈㗎喇!”虾子饼雀跃地说!之后出去自己点餐，点餐后有电子牌比你，哈哈!佢震就攞餐!点左夜市盐酥炸鸡饭，哗!!哗!哗!好大块，味道比豪大大更脆更酥入口更软，而且餐厅好少咁扺得谂比咁大块鸡比你啰!超扺!紫薯控既我仲点左杯紫薯拿铁，饮左一啖，超多奶味，而且唔会愈饮愈甜，好虾子饼点左台式鲁肉饭，初时以为都系得一种𩠌拣，仲同点餐小姐讲要鸡翼鲁肉饭，点知点餐小姐话四个𩠌都有㗎!! 眼都突埋!有鸡翼啦，鲁豆腐啦，鲁蛋啦!鲁牛啦!鲁水汁普普通通，不过不失!每个餐都有伴菜，反而系香港食台式嘢好少有伴菜，佢地就有3样，虽然细细碟，但几好味，有萝卜(菜莆),大豆芽同小棠菜!虾子饼一路食一路讲细个读上午校，成日放啲嘢系柜桶~嘻嘻哈哈!突然觉得有啲浪漫!