119 大口銀針粉 (已搬遷) 新店位置

听日要做姊妹，今晚要先去新娘屋企，所以收工后先去旺角Physical冲凉洗头，去之前当然要先食饱饱~姑姐话屋企后街新开一间银针粉店，哗……银针粉，好old school……以前返学每日经过银行中心，都会见到有位婆婆每日推车仔卖银针粉，返学之前妈妈都会买俾我当早餐难得见到有间坏旧地道银针粉，无可能唔试呢~铺位正正就系大只佬云吞面旧铺，所以，好怀念~~一行到门口，望两望，叔叔就会问想食咩，其实我真系以为只有银针粉，不过……原来有好多其他选择，真系选择困难症又出笼，当然立即叫叔叔推介一下，叔叔话，最出名一定选择银针粉不过……我需要走葱及芫茜，叔叔即话……呢两样系碗银针粉灵魂，不过我好难接受呢两款“灵魂”味道，最后叔叔亦无坚持，帮我走所有葱及芫茜好特别，好少见银针粉有满满配料，有鱿鱼、鱼片、肉片、、冬菇、虾米，出菜前再加少少胡椒粉，第一啖先饮汤，个汤有阵好特别味道，同我观塘买做早餐银针粉汤底简直系好大对比，呢个系香浓鲜甜味，银针粉加埋汤一齐食，完全无得输，可能我真系太钟意食银针粉，我觉得呢个真系好值得揾日同大少去食菊花茶 - 其实妈妈经常都会煲，但系……永远都系隔离饭香，钟意饮街外凉茶都唔饮妈