影片
更多
2022-01-03
313 浏览
小朋友中环街市啱食之选 小清新星马菜～～～今晚收工之后要帮手家姐凑小姪女，带佢黎中环街市行下玩下买下糖🍬之后，就带咗佢过嚟底层呢边食晚饭。拣嚟拣去，最啱小朋友食嘅就系呢一间星马泰餐厅。～～～睇完餐牌之后就叫咗亚答海南鸡半只，慢煮猪手饭配苏东鱼蛋鸡汤，再加一个小朋友唔合适，但系我好钟意食嘅酸辣凤爪独食一下😄。～～～海南鸡鸡皮嫩而滑，鸡肉唔会鞋口，嘴刁叼嘅小姪女都啱食，份量都几多，我哋最后两个人食唔晒，要打包返屋企比屋企人食。鸡皮下面仲有少少上汤啫喱，正。～～～酸辣凤爪就酸酸甜甜好开胃，不过辣度都几劲，爱辣嘅大人一定中意，小朋友就未必啱啦。～～～最后慢煮猪手饭质素亦不错，猪手份量比得超多，啱晒食肉兽，食落去骨胶原满满嘅感觉，加埋清新嘅鱼蛋汤，浓淡平衡得当，不错。～～～Attap (中环)中环皇后大道中93号中环街市地下G17号舖
～～～
今晚收工之后要帮手家姐凑小姪女，带佢黎中环街市行下玩下买下糖🍬之后，就带咗佢过嚟底层呢边食晚饭。拣嚟拣去，最啱小朋友食嘅就系呢一间星马泰餐厅。
～～～
睇完餐牌之后就叫咗亚答海南鸡半只，慢煮猪手饭配苏东鱼蛋鸡汤，再加一个小朋友唔合适，但系我好钟意食嘅酸辣凤爪独食一下😄。
～～～
海南鸡鸡皮嫩而滑，鸡肉唔会鞋口，嘴刁叼嘅小姪女都啱食，份量都几多，我哋最后两个人食唔晒，要打包返屋企比屋企人食。鸡皮下面仲有少少上汤啫喱，正。
～～～
酸辣凤爪就酸酸甜甜好开胃，不过辣度都几劲，爱辣嘅大人一定中意，小朋友就未必啱啦。
～～～
最后慢煮猪手饭质素亦不错，猪手份量比得超多，啱晒食肉兽，食落去骨胶原满满嘅感觉，加埋清新嘅鱼蛋汤，浓淡平衡得当，不错。
～～～
Attap (中环)
中环皇后大道中93号中环街市地下G17号舖
张贴
