牛陣 (愉景新城)

营业中

休息中

是日约左朋友去带埋小朋友荃湾愉景新城牛阵打边炉，叫咗个$279日本产黑毛和牛及日本产豚肉套餐。先讲环境，干净企理枱面完全冇油淋淋，座位阔落，方便照顾小朋友。饮品种类还可以，但值得一赞系有大人细佬都钟意嘅朱古力喷泉同自己手作棉花糖，小朋友玩好得开心，唔怕闷亲佢。汤底有六款选择，有日本产鲣鱼清汤，关东风寿喜烧汤，美肌豚骨汤，新鲜蕃茄汤，药膳香辣同埋浓厚鸡白汤。而食物方面牛肉切得薄，渌几下就食得，油脂比例啱啱好，入口散发香浓嘅牛肉味净食牛都值回票价，豚肉与牛肉相比稍为普通少少，但小朋友都好钟意食，重有鱿鱼等海鲜，味道都几好，假期约埋朋友可再食多次。