紙飛機親子空間

营业中

休息中

今日带小朋友去咗纸飞机玩，虽然邮轮码头交通唔多，但估唔到呢度有咁多嘢玩，尤其啱三岁左右嘅小朋友。呢度嘅收费模式系，小朋友平日每位收$138，成人最低消费$150，可以叫嘢食或者饮品。每日分几个时段，中间有清洁时间。带小朋友嚟玩，爸爸妈妈可以坐低食嘢，食物质素劲高，好似茶餐厅价钱，但水准完全系大厨级别。我哋叫咗个咕噜肉同小炒王，大约$300左右，分量大且味道一流，咕噜肉脆皮好有咬口，小炒王材料丰富。呢度环境设计亦非常好，唔同嘅游玩区域包围住餐厅饭枱，小朋友玩得开心，爸妈可以安心坐喺度食嘢。除咗交通问题，如果讲环境同食物，呢度真系一百分！真心推荐畀大家。