九井壽司 (已結業)

圣诞假期都唔建议周围去，主要都留系屋企，不过始终圣诞节，小朋友都想开心吓嘅，趁着「平安日」但老公又要返工，就带埋阿女去附近食返餐开心吓啦，呢个女真系大唔透，仲好有童真咁话要去食火车寿司，所以就去咗MegaBox嘅九井寿司。呢间亲子餐厅真系好到不得了，门口会有啲玩具俾小朋友自取，仲张贴咗告示教导小朋友要珍惜玩具同埋只可以攞一份，教导小朋友要自律，呢个安排已经值得赞赏！每张枱都放咗一部Pad俾食客自己落单，分类又够清晰，非常方便。食物系用子弹火车沿着路轨送到嚟枱嘅旁边，小朋友就觉得新奇又兴奋！嚟到刚好午餐时段，所以叫咗个午餐，呢个午餐真系好抵食，有蟹子沙律、三文鱼刺身三件、寿司四件、仲有一碗猪骨汤乌冬，基本上食完都已经饱咗，咁丰富都只系$68，简直系超值！阿女就叫咗碗牛肉乌冬，牛肉份量超级多，基本上食完啲乌冬都仲有好多牛肉，都系$68有交易。另外叫咗几款寿司，水准不俗。特别要推介呢个海苔鱿鱼天妇罗，其实系类似酥炸鱿鱼须，再洒上紫菜碎，点啲沙律酱，真系好好食，呢个值得推介。另外嘅墨鱼咀都唔错，份量好多，最后仲食唔晒要打包添。就系咁就食咗一餐好开心嘅圣诞大餐喇😋