影片
更多
2021-12-26
40 浏览
考完试放学既兴趣班都上完，2位公主突然谂起有间餐厅系可以同熊bear bear 一齐食饭，好彩我都失唔晒忆知道佢地讲紧 (熊小馆)，因为佢地俾左个大既地标题示我，就系门口坐左只好大既熊bear bear ，所以就谂到系佢喇。搭到车过去都己经系下午茶时间，见2个咁肚饿就决定叫三个set 一人一个，而小朋友一入去。其实己经同舖入边既大小熊熊玩紧，而每枱一只既小熊熊就更加系完全冇放低过，揽到实。每张枱都有个细熊bear bear陪住我地食野，店员哥哥见我大囡自己坐，仲抱左只大bear bear过黎陪佢坐，真系超sweet 。今次我地叫左厨师介既蒜蓉鸡扒配饭、小熊套餐A(即系儿童餐) 同埋焗棉花糖吐司。上菜真好快，因为肚饿真系岩晒，店员都好细心一早拎定儿童餐具俾我地。估唔到三样食物，居然系蒜蓉鸡扒黎先，以为会系扒会耐添，黎到就开餐喇，鸡扒煎到好香皮好脆，但系入边仲系好juicy既，所以小朋友都好钟意食。跟住既儿童餐有天妇罗虾，鸡翼，薯条，熊仔头做型啫喱同粟米粒，样样都系小朋友钟意食既野，一放底个餐，己经有2枝叉准备好叉落去粒啫喱度，而个天妇罗够晒酥脆，鸡翼同鸡扒一样juicy 。 最后上系焗棉
搭到车过去都己经系下午茶时间，见2个咁肚饿就决定叫三个set 一人一个，而小朋友一入去。其实己经同舖入边既大小熊熊玩紧，而每枱一只既小熊熊就更加系完全冇放低过，揽到实。
每张枱都有个细熊bear bear陪住我地食野，店员哥哥见我大囡自己坐，仲抱左只大bear bear过黎陪佢坐，真系超sweet 。
今次我地叫左厨师介既蒜蓉鸡扒配饭、小熊套餐A(即系儿童餐) 同埋焗棉花糖吐司。
上菜真好快，因为肚饿真系岩晒，店员都好细心一早拎定儿童餐具俾我地。估唔到三样食物，居然系蒜蓉鸡扒黎先，以为会系扒会耐添，黎到就开餐喇，鸡扒煎到好香皮好脆，但系入边仲系好juicy既，所以小朋友都好钟意食。
跟住既儿童餐有天妇罗虾，鸡翼，薯条，熊仔头做型啫喱同粟米粒，样样都系小朋友钟意食既野，一放底个餐，己经有2枝叉准备好叉落去粒啫喱度，而个天妇罗够晒酥脆，鸡翼同鸡扒一样juicy 。
最后上系焗棉花糖吐司，其实果时我地都饱晒，不过你睇住件吐司真系超级吸引，烘到香脆既吐司加埋大大粒绵花糖再加上朱古力浆，真系好难抗拒架。本来都觉得会好甜，但系食落俾吐司中和左，又唔系想像中果件事咁。班细己经谂定下次黎要N call 呢个吐司喇。
张贴
