影片
更多
2017-04-28
612 浏览
小朋友身高90cm要计小童价？香港d食肆好有问题…话说4月21号晚7:30同家人一齐去元朗广场新开嘅牛一攞飞4大1小（自己忽略咗该店写咗小童价）当叫到我哋号码，我哋行埋去职员身边俾张飞佢，职员叫我哋睇睇拣边个价钱嘅餐同埋要咩汤底，之后就问我哋系咪4个大人1个小童，我家姐就问职员我个小朋友两岁半BB都要计钱？佢食唔到依度d嘢架㖞。该职员答：系呀冇办法公司规定。同时该职员又问（用头示意门口有个专为小朋友而设嘅度身高cm表）咁你小朋友过唔过90cm？我同家姐当时真系好无奈…（小朋友两岁半过咗90cm有几奇？小朋友都可以生得高d矮d肥d瘦d架㖞，咁样嚟做一个标准个人认为唔系好合理）之后我家姐答：咁个小朋友过咗90cm但佢得两岁半又食唔到你d嘢都要收小童价？（我哋谂住真系收小童价钱就唔食，唔系钱嘅问题，系个小朋友真系唔食，冇理由夹硬要我哋蚀）职员就问：咁佢可唔可以手抱？我家姐答：咁如果你要我手抱我都可以手抱嘅。同时职员就话：因为张枱比较细系张4人枱如果你可以手抱咁就唔计小童啦。咁我哋就拣咗价钱同埋汤底入咗去坐啦。其实全个过程大家都好礼貎嘅。但系我真系好想香港d食肆经营管理正视下依个小童身高过咗9
其实全个过程大家都好礼貎嘅。
但系我真系好想香港d食肆经营管理正视下依个小童身高过咗90cm要计小童收费嘅问题，真心觉得香港愈来愈多冇爱心嘅经营手法，大家谂下一个小朋友就算真系食呀食得你有几多吖？免费食到3、4岁都唔会食得好多遮，日本好多食肆小童系唔计架，参考下啦！唔系叫你哋蚀，我知你哋做生意，不过攞个公平d嘅做法啰！点解唔可以做得有良心d将心比己呢？我相信d开依d食肆生意人你哋都会有自己小朋友啦！
讲真d食肆每日产生啲厨余嘅数目多好多好多啦以吨嚟计呀，既然你哋都咁浪费，点解唔可以当做d好事呢？
讲番整体元朗牛一，由于新开人手有少许不足，补充食物冇咁快，蔬菜、瓜类都新鲜，空间比较逼坐得冇咁舒服。
张贴