小洋蔥 (已結業)

星期六同朋友去左秀茂坪食午餐，见之前住秀茂坪的朋友都推荐过下午茶唔错，今日打算来一试。不过下午茶要等到2点先可以入坐，我地就冇等到下午茶，宁愿早少少入坐试午餐。小洋葱新开左几个月，环境坐位都宽阔舒服同企理，只系饮水系要自助，不过都问题不大。卡邦尼芝士烟肉意粉 - 首先试左卡邦尼芝士烟肉意粉，芝士味唔重，反而重忌廉，食完都好快会饱。拿坡里辣肉肠意粉 - 辣肉肠得好少同好薄，辣肉肠的味道主要俾蕃茄味盖过，但好在个蕃茄味又唔太酸，而且蔬菜都新鲜。总整而言，食物质素过得去，午餐唔会太细分，味道正正常常，环境都坐得舒服，都系个不错的选择，但就唔需要特登去试啦。