影片
更多
2019-04-29
280 浏览
首次到访tea hub系超过两年前，当时试左主食、甜品，印象唔错。两年几后嘅今日，小店喺各方面都更游刃有余，装潢、餐点、气氛贯彻始终，唔单止清新，仲好有内涵。作为文青咖啡店，餐点选择算多，由沙律、主食、甜品到饮料都可以喺呢度食到。如果平时好似我地咁食开重口味，偶然揾一日试下啲冇咁浓味嘅食物，都唔错啊店内面积唔算好大，一眼望哂，最标志性一定系近门口位嘅高枱高櫈，背住店内客人，望向街道，听住旁边街市档贩叫卖，感觉几「出戏」。店内位置唔多，分布散落，配合高楼底设计，满满文青感，简约朴实，用餐环境舒适，完全无压力。两年前黎都仲未有呢幅墙，原来系来自东华三院艺术爱漫游计划，当中部份使用者嘅作品，非常有爱餐牌比起当时丰富左，除左固有嘅茶食套餐包括茶渍饭同茶汤面、三文治、窝夫、多士、蛋糕等，仲有一个出镜率好高嘅烧杂菜咖喱蛋包饭，设有套餐优惠。饮品并非大行其道嘅奶盖，而系主要供应原茶、现泡茶等。烧杂菜咖喱蛋包饭 $80 (附前菜、饮品)套餐附前菜、饮品，伯爵茶薯蓉滑溜有茶味。蛋包饭卖相同图片一致，十分讨喜。以滑蛋覆盖白饭，淋上咖喱汁，再以烧杂菜伴碟，包括薯仔、萝卜、黄椒。杂菜以茶叶调味炒制，实在系亮点
店内面积唔算好大，一眼望哂，最标志性一定系近门口位嘅高枱高櫈，背住店内客人，望向街道，听住旁边街市档贩叫卖，感觉几「出戏」。
店内位置唔多，分布散落，配合高楼底设计，满满文青感，简约朴实，用餐环境舒适，完全无压力。
两年前黎都仲未有呢幅墙，原来系来自东华三院艺术爱漫游计划，当中部份使用者嘅作品，非常有爱
餐牌比起当时丰富左，除左固有嘅茶食套餐包括茶渍饭同茶汤面、三文治、窝夫、多士、蛋糕等，仲有一个出镜率好高嘅烧杂菜咖喱蛋包饭，设有套餐优惠。饮品并非大行其道嘅奶盖，而系主要供应原茶、现泡茶等。
烧杂菜咖喱蛋包饭 $80 (附前菜、饮品)
套餐附前菜、饮品，伯爵茶薯蓉滑溜有茶味。蛋包饭卖相同图片一致，十分讨喜。以滑蛋覆盖白饭，淋上咖喱汁，再以烧杂菜伴碟，包括薯仔、萝卜、黄椒。杂菜以茶叶调味炒制，实在系亮点，带淡淡茶香，杂菜粒啱啱好熟，唔会太腍，几好食如果炒埋洋葱，一定更加正
烧杂菜咖喱蛋包饭
$80
29 浏览
0 赞好
0 留言
日式咖喱汁稀身唔辣，连同嫩滑鸡蛋，好好下饭，推荐；只系当日嘅白饭略嫌硬身，店员解释可能系餐厅刚换新米未熟悉所致，期待愈做愈好嘅蛋包饭
自选茶汤冷面、烧鲭鱼、日式蛋卷 $80 (附饮品)
沙律
汤底清香，完全不油腻，面条有弹性。
茶汤冷面
31 浏览
0 赞好
0 留言
烧鲭鱼伴自家制洛神花酱清淡，鱼肉扎实，腩位骨较多。茉莉绿茶日式蛋卷并唔系煎㶶左，不过未有突出表现。
薄荷朱古力博士茶
唔洗加钱可以转饮$37以下嘅饮料，拣左不含咖啡因嘅博士茶，茶具精致，附上小漏斗，方便掌握冲泡时间，呢壸就等候一分钟饮得。
薄荷朱古力博士茶
24 浏览
0 赞好
0 留言
薄荷柚子茉莉绿茶
蝶豆花芝士酱云蛋多士 $58
外貌协会俾呢件咁可爱嘅多士吸引，以沙律菜、车厘茄伴碟，多士均匀搽上加左蝶豆花嘅芝士酱，铺上一旧蛋白云、鸡蛋黄。原本惊蛋白云会好快下塌，所以我急急脚影相，啊，又唔会㖞。云朵好重蛋白味，有少少咸咸地，捞匀蛋液后会令多士较湿润，但边位仲好脆，而咀嚼下会有面包香；反而芝士酱成为配角。呢份多士除左有卖相，都有内涵呢
伯爵茶戚风蛋糕 $55
焙茶芝士蛋糕 $36
甜点系小店招牌，摆盘好靓，以饼脆、玫瑰花瓣、焙茶忌廉伴碟
伯爵茶戚风蛋糕、焙茶芝士蛋糕
60 浏览
0 赞好
0 留言
但焙茶芝士蛋糕更得我心，焙茶味浓郁，质感实的的，饼底薄脆，沾少少焙茶忌廉，更有层次
对tea hub嘅印象如初，小清新、有特色，环境舒服，揾日下午茶冇咩做一定要黎坐下、食件甜点呢。
张贴
