반찬앤쿡 Banchan and Cook (屯門市廣場1期)

营业中

休息中

天气咁热除咗行下商场外真系边度都唔想去~ 今次又同男友喺屯门行街，行到咁上下见饿就又揾下有咩好食，之前经过见呢间韩式Cafe装修好靓，环境几寛松，又成日满座，一直都想去试~呢次经过见咁啱有位就入咗去试~ 🧡玫瑰酱无骨炸鸡（$108）炸鸡必点！好少会做到咁juicy同嫩滑，外脆内嫩，配搭嘅年糕同薯条一样高质！ 🧡韩式杂莓牛角包窝夫（$72）牛角包窝夫系即叫即做，记得要提早叫定~牛角包窝夫食落有阵浓厚嘅牛油味，个酥皮好香脆，表面加咗蜜糖，配上Cream同杂莓食好夹好balance，同样必点！ 🧡玫瑰酱烩鸡腿肉蛋包饭（$138）卖相色水非常得，份量亦都十足！店员会喺你面前切开只流浆蛋，视觉效果一流！流浆蛋好嫩滑，三件大大件嘅嫩滑鸡腿肉配上佢个特别嘅玫瑰汁确实食得好爽！ 🧡牛肝菌蛋包饭（$102）菇菌爱好者注意！呢个蛋包饭啱哂你，啲杂菌杂菇炒得香气十足，个牛肝菌汁又同滑蛋珍珠米好夹，入口smooth，蛋味香，成件事就似系叹紧一道香气过山车~ 🧡烧酱油黑毛猪白切肉配大酱生菜（$162）五花肉肥瘦均匀，表面烧得焦香，厚薄刚刚好！用生菜同紫苏叶夹住加埋蒜片、青椒、泡菜、韩式辣酱等一齐食就系爽！