Salamat Cafe (已結業)

一早起身陪爸爸黎到元朗公园跑步，跑完行左阵就觉得有啲饿，就即刻黎到马田路呢条大街到揾野食。呢度真系好多野食选择，而我就拣左呢间好有feel好清新既餐厅-salamat cafe。入到餐厅位置好舒服，环境宁静，好适合情侣或者朋友可以谈心倾计。坐低侍应好热心咁介绍比我地，我地叫左个沙律同猪肉眼扒。首先黎左个餐汤，餐汤好好味，忌廉味好浓又好滑既感觉。之后黎左个李子大虾凯萨田园沙律，一上到黎”wow”好大碟呀，好充料，沙律菜非常新鲜，配埋好多既大虾同面包粒，真系好好食呀，好耐无食过咁好味既沙律。另外，仲叫左个肯琼猪肉眼扒配菠萝和杂菜沙律。呢个扒听讲好多人叫架，猪肉眼扒好够味，加埋块菠萝，有菠萝汁既加入，令猪肉眼扒增添另一种风味。不得不提一提个薯条应该系即炸，好够脆，好够热，好值得推介。