Potluck Eatery

第一次试呢间新开嘅cafe，用咗Openrice嘅8折订座优惠。一入到去已经觉得餐厅好阔落好舒服，无论系情侣撑枱脚定三五之己小聚都适合！今次两个人嚟，嗌咗香煎法式鹅肝多士、菠菜三文鱼薄饼同菠菜龙虾蟹肉意粉卷三样嘢。首先出场嘅系香煎法式鹅肝多士，冇谂过90几蚊就有两块咁大嘅鹅肝！鹅肝入口即溶，充满油香味。夹埋水蜜桃同蒜香多士唔会太腻，作为前菜啱啱好。跟住轮到菠菜三文鱼薄饼，好钟意呢度个pizza底做到咁薄，唔会太顶肚。佢嘅芝士同一般餐厅唔同，味道比较淡，同几软熟。最后嘅系菠菜龙虾蟹肉意粉卷，系最令人惊喜嘅一道菜！意粉皮入面包住嘅系啖啖龙虾肉！塞得满到连切开都要花啲力气。忌廉蕃茄汁味道浓郁。下次应该会约多几个朋友，咁先可以试多几样嘢。