Rings Coffee

营业中

休息中

下午茶时份，去左九龙城呢间咖啡店。佢有tea set嗌连饮品，当然叫手冲咖啡嘅话，就有优惠，原价再减$20。食物方面，都好多种类，以西餐为主，如果你系素食者嘅话，仲有个素食早餐可以嗌。呢次我就叫咗牛油果蛋多士。饮品方面，有普通嘅咖啡、热饮，特别嘅话，仲有花茶、手冲咖啡。上餐嘅时间有啲耐，不过值得等嘅。本身以为牛油果蛋多士，剩系得个多士，原来仲有个沙律添。卖相非常好，个牛油果都非常新鲜，连埋个牛油果酱同包，食落有种肥美而不腻嘅感觉。加埋只蛋，仲会觉得好健康添，只蛋嘅蛋黄系半生熟，你可以用到切割佢之后同埋个牛油果酱一齐食。沙律上面有啲麻将，菜加青瓜加水果加蕃茄，一啲都唔斋。咖啡我嗌左Black honey，跟set嘅话，只系$45咋。咖啡师冲得唔错，咖啡香同after taste都好出。果甜连住creamy流入口中嘅感觉，吞口水都带住呢种味道。整体来讲会畀8.5/10分。卖单133（无加一）添，好抵食。