中哥廚房 (已結業)

放工拖住疲惫身躯，经过呢间厨房……阵阵镬炒香气扑鼻而来，咁仲唔揾位坐低试下有冇"味不对办"?睇下餐牌，原来有分新彊菜和广东菜，今晚唔想食辣，咁就点咗脆皮牛腩和中哥小炒王。牛腩醮满脆酱炸粉，难得炸过嘅牛腩唔韧，咬开仲有一丝丝，肉质保留不会过咸，呢道菜几有创意，唔怪得都几多人叫……小炒王系咩呢？……虾干、鱿鱼、鲜虾、炸菜、韮王、唯独冇猪润，不过好有镬气，送啤酒真系唔错！再嚟多盅海底椰炖猪鸡脚汤，足料滋润绝对唔系"例水"，食咗咁多炒炸嘢，饮完佢喉咙顺番晒！