大排檔小炒 (金豐商業大廈) (已結業)

同朋友随意选择入黎哩间中菜小炒餐厅，入到黎见到楼底特别高，盏灯贵气，好少见到咁靓装修既小炒餐厅。我地一收工就过左黎早d食完番屋企，所以几清静，我地食到中段开始多客人。有多款中菜选择，望落好吸引，有图片参考望落好正！拔丝咕噜肉 $98每次夹起都会拉起酱汁，视觉满分。用左梅头肉所以好林，外皮炸得微脆，送饭开胃。小炒皇 $98好中意食哩碟，人地话一碟小炒皇就可以试到厨师既功架。韭菜芯炒得青脆，好嫩，配埋萝卜干、腰果、银鱼仔，鱿鱼，一个字：正！煲仔饭 $138 细煲2个人叫细煲每人都有2碗饭，上台后等约5-10分钟后，店员会搅匀配料，帮我地装埋碗，服务好。有腊肠同润肠所以好香，饭吸左腊肠既肉汁，增添香味。但个人唔太中意食咁硬既饭焦，可能唔洗焗咁耐就食喇就岩我。餐厅免茶介，免加一，店员服务好，野食都岩我食，相信会再回头光顾。