金海濱越粤小炒

营业中

休息中

放假去咗朋友屋企玩猫，然后到佢楼下嘅餐厅食晚饭，因为系熟客，一坐低就有两大碗例汤。朋友点咗三个小菜一齐share：黄金虎虾球$98，好大只嘅虎虾，用薄薄嘅脆浆包住，炸到脆卜卜，上边沾满咸蛋黄，啖啖肉，食落超级香口😁。金海滨小炒王$98，即叫即炒热辣辣，够镬气，材料好丰富，有韭黄、咸猪肉、鱿鱼、虾米、葱头、蒜头，非常惹味。豉汁蒸排骨$68，好有住家feel，几好食😋。仲叫咗椰汁红豆冰$20🧋同热奶茶$16☕️，都几好饮。呢度价钱非常实惠，份量亦大，我哋饱到捧住个肚😆。