飯飯店 (已結業)

推介鸡煲今次是专程来食鸡煲的。有人话，食鸡煲一定要食辣既，嗜辣一族既我表示十万分同意，试问唔辣既鸡煲又点叫做鸡煲呢?我同细佬坐低，叫左半只鸡煲，惊唔够饱，又叫多碟小炒王鸡煲上枱，已是香气扑鼻，青红椒衬托的酱香鸡件很有光泽，热力逼人。 食个阵，舌头先感受到烫热，然后牙齿没入嫩滑的鸡肉，轻轻撕开，就尝到酱汁的花椒，八角，洋蒽香味，再提起一阵阵辣，真系超爽! 食左几旧，都冇嚡口。 辣度唔算太劲，但配合酱汁味道很爽，依个鸡煲可以列入我最钟意既几间鸡煲之一。 而我地都趁热好快甘消灭左佢。 食完鸡煲之后，我地就转攻小炒王。 小炒王上枱时油亮有热气，份量几足，有香脆的腰果，蒜苗,爽弹的玻璃虾，鱿鱼，还有咸香的虾干，口感甚为丰富，以XO酱炒过，热辣香口，甚为惹味，用来下饭不错。 以鸡煲同小炒王送左两大碗白饭，我同细佬都饱到痴线，下次再黎要揾多条友。