大排檔火鍋

营业中

休息中

今日嚟咗呢间喺旺角嘅大排档火锅，朋友之前系呢一间餐厅入边食过唔同嘅小炒都觉得唔错，所以我哋今次再去到决定帮衬一下，我哋今次两个人去拣咗三个唔同嘅小炒，整体味道我哋都觉得非常有镬气，而且厨师嘅手势都非常好，我同朋友都觉得呢一个地方嘅小炒非常唔错，而且整体气氛好，适合一大班朋友或者同事过嚟。😎秘制炒蚬，味道做得非常好，而且系用豉椒嘅味道去做，我同朋友都非常钟意，每一只都食到好正嘅味道，而且非常入味，少少辣辣地非常好食，每一只都清洗得非常干净，因为我哋都完全食唔到系有任何嘅沙或者污糟，整体呢一个𩠌我哋都非常钟意，而且份量嚟讲我哋都觉得几多，呢个价钱嚟讲我哋都觉得差唔多。😎菜心炒牛肉，牛肉真系非常大块，$88非常抵食，牛肉亦都调味做得唔错，我哋觉得呢一个𩠌系非常抵食，菜心嘅味道亦都好，整体亦都钟意呢一个𩠌。好食！😎钟意去大排档嘅朋友一定会钟意食呢一个小炒王，小炒王系有好多唔同嘅材料，成个口感非常多元化，用嚟送酒呢就系正，调味上主要都系微辣，但系亦都保留到本身成个𩠌菜嘅镬气，我同朋友都非常钟意，最钟意食腰果！朋友就饮咗啤酒，我就饮咗忌廉，成餐饭整体都几开心，钟意食大排档嘅朋友都可以过嚟试吓。