小甜谷 Dessert Kaffee (已結業)

我细细个就住喺西环坚尼地城，从来喺西环嘅食肆都系小店形式，食客通常都系附近嘅邻居、一家大细光顾比较多。系大概10年前左右，屋企附近出现咗一间买糖水/甜品嘅小店，仲成日会出现人龙，食客通常系慕名而来（而不只是附近嘅邻居），呢个就系我对「小甜谷」嘅印象。但系而家喺铜锣湾嘅呢一间「小甜谷」又点只得糖水甜品咁简单呢！地点方面：由于佢只系离地铁站5至10分钟路程，而且店舖门面好大，好容易就可以揾到。食肆环境：以白色嘅墙身配以白色云石嘅小圆枱，同埋木櫈和木地板，俾人有一种简约、休闲、舒服嘅感觉。食物方面：种类有好多无论系All day breakfast 、pasta、risotto...... 当然唔少得糖水/甜品啦。除咗食物之外，饮品嘅选择都特别多！除咗好普通嘅咖啡奶茶，佢仲有沙冰、冰茶、特饮同埋神奇果汁（即系原个鲜榨果汁，仲要连壳上）是次晚餐我只系可以试到部份，所以有更多嘅原因比我下次同其他朋友再嚟过😅