小田田主題餐廳 (已結業)

朋友今日带我嚟太子揾嘢食，佢介绍有间西餐厅唔错，其实好近太子地铁站，餐厅布置简单有格调。原来佢哋有得电子餐牌点餐，但系我哋都唔系太识用，最后都系变咗人手落单，哈哈。点左两个套餐，有餐汤送，原来系冇得拣架，要跟返当日餐汤，今日系番茄汤，配上紫薯面包，餐汤好足料，有好多蕃茄蓉系入边。烟三文鱼意大利饭＄88 ,上面有两朵好靓嘅烟三文鱼玫瑰，烟三文鱼不会过咸，而且好重鱼味，意大利饭就好重忌廉味道，饭软硬度刚好，入边仲有一啲细蘑菇。黑毛BB猪鞍＄188，猪鞍劲厚，但系一啲都唔会硬，切开𠮶阵见到脂肪分布平均，咬落去重味道，旁边仲有个酱汁可以点，但其实唔需要都已经好够味。原只去骨春鸡＄158，一上枱已经闻到好香嘅鸡味，只鸡一切就开，鸡肉好嫩滑，外皮烧得刚刚好，配埋入边嘅鸡肉食简直一流，最值得一赞嘅系鸡胸位都好滑最后加左＄10要一个甜品，今晚有三款蛋糕选择，当然拣咗最钟意嘅芝士蛋糕，唔好讲笑甜品都好正，好重芝士味，对我呢个芝士迷黎讲真系好想要多一件。我哋两个人埋单都系二百几蚊，但系就食到劲饱，下次都会再返嚟帮衬，试佢哋餐厅出名嘅猪手。