桂花小幸 (將軍澳廣場)

营业中

休息中

餐厅除左有入座位置，旁边仲有外卖饮品。餐厅座位数目都唔少，装修风格文青，最有特色系入面嘅位置。要留意呢到叫野食需要去到门口比钱，之后再由侍应送上野食。今次叫左三小食一面一饮品，每人平均$90。台湾烤香肠 $28皮位微脆，内里中间软身，唔油，最钟意台湾肠甜地嘅味道。桂花鸡翼 $23有桂花蜜糖比你点黎食，桂花花香味好出，配炸鸡翼好清新。塔香三杯鸡 $48好惹味嘅一道菜，鸡肉味道浓，配饭食一流。酥炸排骨面 $58拣左牛肉汤，个汤牛肉味好浓，面质刚好，唔会太淋。排骨大块，而且炸粉簿唔油腻。芝士奶盖阿里山金萱 $23奶盖有浓浓芝士味，味道无平时个啲咁咸，茶味较清新感觉，有淡淡似花茶嘅香。