樂天皇朝 (已結業)

终于有朋友可以陪我食非常出名既乐天皇朝八色小笼包，一向觉得那些古怪口味既中菜多数都系伏伏地，但因为身边太多人话八色小笼包好食，所以一直都好想亲自试一试。八色中我试左其中既鹅肝，黑松露同埋川味小笼包，果然名不虚传，味道非常不错，鹅肝，黑松露味道好出，但整体依然还是传统小笼包味道，味道组合创新得嚟不会过火，下次应该要一人一笼试晒八件先够皮。另外新张期间"只送不卖"既辣椒螃蟹小笼包更加惊喜，成只都系蟹肉同浓郁既蟹汤汁，连猪肉都无加到，满口都系微辣而浓烈既蟹香，只要你叫一笼八色小笼包再share fb就送5只俾你，好抵食芝麻酱油麦菜超级惊喜，无谂过原来生食油麦菜系咁好食，点埋芝麻酱好开胃，好想返屋企即刻自己试下整，但唯独系芝麻酱同一般市面既芝麻沙律酱味道太类同，虽然味道好夹但如果系自家制相信口味可以调配得更独特。红油抄手皮薄馅多，索埋红油一啖一件味道不错。李白醉鸡绝对系水准之作，我自己煮醉鸡都算颇有研究，依度既醉鸡绝对系我食过最好食之一，鸡肉嫩滑，醉鸡汁酒味香浓味道调得刚好，不花巧却恰到好处。另外全晚最喜欢的绝对系赛螃蟹，蛋白推得很靓口感非常似蟹肉，捞上蛋黄汁同陈醋异常开胃，看似简单既一道菜却