金牌小龍 (已結業)

可能你会觉得来得尖沙咀iSquare食饭, 预左唔会平, 但呢种观念需要改变，讲紧既系呢间上海餐馆「金牌小龙」，价钱相宜。餐厅位于商场既3楼，里面其实都算几大，座位多，装修都唔错，有特色。当晚入座时大约有八成坐满，留意到其实都有不少游客光顾。餐厅选择其实都算多，一看店名就知主打小笼包，当然系必点。选择比较多款，我地就叫左金牌小笼包。一笼五个，唔需要四十蚊就有一笼, 抵食！小笼包皮薄馅靓，里面好多汤汁，配合姜丝和黑醋，味道一流，不比外面有名的差。我地叫左个元盅鸡汤。汤最重要当然够热，上台时已经感受到那种热度。汤既味道清甜唔油腻，饮落觉得好滋养。而鸡肉唔算滑，可能煲得太久了。红烧牛肉面既汤底非常浓郁，份量也不少，足足四大片，食落有牛味而且有口感。而面质唔算好弹牙烟韧，属于正常水平，若弹牙些会更吸引。干拌荠菜馄饨既皮薄，饀料也算丰富，配上豉油酱汁再拌一拌，不过略嫌味道有点淡。醉鸡花雕既酒味比我想像中浓，再加上人参既清香，味道出乎意料地好，而鸡肉也入晒酒味。月头去台湾品尝了永康既粉蒸排骨，返到香港见到自然想找回那种感觉。我觉得排骨和薯仔味道还好，不过排骨似乎有点粉，有待改善。餐厅新品推介，当然