The Night Market (ELEMENTS圓方) (已結業)

去圆方睇戏，睇戏之前揾间餐厅食个快lunch，最后拣咗The Night Market ，见到个Menu应该就系食台湾嘢，好似都几吸引，价钱又唔系好贵，而且好多人食呢间餐厅，应该都安全。我哋叫咗一客金牌小笼包、蒜泥白肉、糖心蛋鲁肉拌面同埋寒天梅子绿茶。金牌小笼包 - 估唔到咁出色！因为间舖头唔似一间专食小笼包嘅舖头，所以都谂住啲小笼包会普普通通，点知唔系，小笼包除咗皮薄爆汁之外，佢嘅肉先至系我最想赞嘅一点，出面食嘅小笼包里面嘅肉通常都系比较散又或者比较林，呢度嘅小笼包好有弹性，而且系几实净，好少食到依种肉嘅质地，感觉佢嘅肉系新鲜得来唔似用搅拌机搅，所以下次一定会再叫，而且仲会叫埋另一只味道嚟试试👍🏻蒜泥白肉 - 酱汁够浓味，白肉下面铺咗青瓜垫底，肉切得比较厚，可能因为厚嘅关系所以有啲鞋，我觉得佢唔好食。（唔记得影相）糖心蛋鲁肉拌面 - 呢碗面有啲失望，糖心蛋都叫做发挥到正常水准，面本身唔够干身，就算捞埋鲁肉酱一齐食，味道都系偏淡，我觉得佢做得唔好。寒天梅子绿茶 - 呢杯饮品好甜，我后来要加水先可以饮😅（唔记得影相）值得一赞嘅系依度嘅服务员，态度好好，其中仲有一位叔叔非常勤奋，通常啲餐厅