金牌小龍 (已結業)

一要我谂食咩我个脑次次都会想食中菜，中菜真系好好味。我揾左哩间喺isquare 既食小笼包、上海野，几好味呀样样菜色都，而且坐得舒服。门面系咁既，喺3楼。入到餐厅都好大间，空间感十足，每张台摆得唔密。打开第一版见到小笼包已经好兴奋，好中意食呀。有多款粉面同饭拣，好多选择。原盅鸡汤 $52屋企少饮汤所以出街都中意叫汤饮，见到鸡汤好似几正咁，饮到好浓鸡味，足料靓汤，唔多油，但可以淡少少。金牌小笼包 $38/5只$38有5只好抵，食过都系尖沙咀其他店$38得3只。小笼包包住好多汤，仲要系皮簿唔易穿，夹起打个卡都冇难度。瑶柱菜粒蛋炒饭 $68哩个炒饭又系好足料，落左好多瑶柱，好咸香，饭粒炒得好干身而且唔油，好好味。豆沙锅饼 $45酥皮好松脆，夹有好多红豆含，衬热食口感更佳！