南翔饅頭店 (已結業)

星期三同bf去绿杨坊揾野食, 见南翔竟然唔驶等位, 就入去试o下. 我o地叫左松茸小笼包、酸辣汤、醉鸡同埋葱爆牛肉. 首先, 茶方面, 原来呢度可以一人一杯唔同款o既茶, 我要左龙井, bf 就要左叫南翔xxx o既茶 (唔记得左全名), 不过我o地都觉得龙井好饮d, $8一位, 好抵饮 松茸小笼包o既松茸味好香, 味道好特别, 而且唔油, 好味 酸辣汤好足料, 亦有其香味, 但系唔够辣, 不过因为bf唔食得辣, 所以佢劲钟意! 醉鸡同葱爆牛肉都系expected o既水准, 牛肉有咬口, 唔错! 睇过之前有d食评话服务员唔够, 但当晚所见, 又几多侍应, 招呼亦算周到. 不过d位迫左d, 2人枱太细, 唔够放野食...