樂天皇朝 (利舞臺廣場) (已搬遷) 新店位置

朋友话好耐冇食过小笼包，一于放工去试吓呢一间位于铜锣湾利舞台嘅乐天王朝！位置相当方便，铜锣湾地铁站一出行几分钟就已经到达~空间非常宽敞，有极多卡位，方便三两知己谈心 或者情侣~食物种类繁多，当然最出名就系小笼包！🔸上海炒年糕年糕烟韧，嚼劲十足不黏牙，配搭香浓酱汁, 非常好食嘅主食🥰🔸京酱肉丝一条条铺满酱汁嘅肉丝 伴上葱丝同饼皮一齐食用～口味咸甜适中，酱香浓郁～🔸上海小笼包必叫菜式小笼包，果然皮薄馅靓 咬下去肉汁满泻 呢一间餐厅仲有唔同味道嘅小笼包，下次真系要试吓！🔸蟹粉馅儿饼烧饼热辣辣，咬下去系会烫口😝入边系蟹粉加上鲜肉 ， 咸香松脆😛侍应殷勤有礼，食物质素不错，环境非常舒适，值得再来！