樂天皇朝 (已結業)

恋著今宵,把今宵多珍重…..心血来潮,贪得意夜晚走去今宵大厦影吓相.记忆中, 年初帮朋友占卜睇风水之后去咗乐天, 质素唔错, 所以今晚再去帮衬.同上次一样, 点蟹粉炒饭, 外婆红烧肉.另外再点上海生煎包, 闻香葱油饼, 葱油大饼.当然….. 点小笼包是常识吧, 今次就点咗原味.闻香葱油饼同葱油大饼分别系闻香葱油饼口感酥脆, 葱油大饼口感似食面包, 我中意酥脆口感, 又中意大饼够多葱够葱油香, 各有千秋.可能依家系食蟹日子, 所以今次食蟹粉炒饭, 蟹味比上次浓, 又有好正嘅蟹黄, 味道满分.外婆红烧肉同上次一样, 即使猪肉部份都好松软, 其他部位更加唔洗讲，入口即溶啦.肥？理得咁多咩！又唔系日日食！.其实.... 上次同个风水客黎食小笼包, 食得唔太开心, 因为佢地点咗八色皇朝小笼包，唔系我杯茶, 我个人比较传统 (即系古板!) 原味先系我飞佛.我对小笼包嘅要求, 乐天都达标.夹起小笼包时皮唔会穿, 当然啦... 皮唔可以太厚.够热.小笼包内有高汤.有爆汁口感.唔记得数吓系咪18个褶添我一向唔点醋, 内馅味道适中, 唔会太咸, 满分.食完之后行番去今宵大厦条斜路攞车.....放下愁绪,