翡翠拉麵小籠包 (已結業)

因为lunch time 系1-2pm，所以平时想黎食都冇位要去第二度。今日特地同同事夹好比我早15分钟走等我同朋友黎试下。我好醒目，一早打定电话订位。真系好彩，我地人齐所以唔洗等就有得坐。服务一流。所有人都好友善，重有求必应环境唔错，只系我地冇卡位坐，我冇位放野，所以感觉逼左少少。　嫩鸡煨面：热辣辣，真系好啱而家天气咁凉，可以好快暖倒个胃。D鸡真系好嫩。面都系一样，可以用嫩黎形容。面个味系带D鲜甜，正：我精心推介一。　红油抄手：我其实只可以食小辣，不过我加左入个面度就刚刚好。个皮够薄，个馅又做得好，食得辣既人不妨试下：精心推介二。　蟹粉小笼包：皮薄馅靓又多汁，味道鲜甜，肉质嫩口，无得弹：精心推介三。　清甜唔溜既桂花糕：menu上冇，不过姐姐仔听到我想食，佢就非常好人地帮我地问下厨房有冇，咁好既服务边度揾呀。