影片
更多
2020-11-18
1679 浏览
<<Thursday Couple 为食记👣😋>>每个星期四同男友一齐去揾好嘢食，呢排都对上海菜上咗瘾，系咁周围食小龙Bell ☺️🥳咁啱个日去西九影靓相，行下吹下风。就谂住系OpenRice 揾咗呢间系Element 嘅上海菜试下😉见到佢环境空旷，靓靓咁，顺便啱埋打卡，几 grand 同男朋友拍拖一流🥰最主要系上几次想食片皮鸭都冇食到！今次就想试下。一去到就见到外面喺开放式嘅，好chill 都几啱一班朋友仔黎饮酒，倾下计。岀面就唔系我哋今日嘅target , 我地就入左餐厅入面喇！然后发现，入面！劲！大！仲有两层，我地就坐左系楼上！近窗口位，因为真系好大 ，所以好舒服，环境黎讲真系无得弹。之后食上海野就唔少得一壶茶解油腻，我哋叫咗香片，佢哋用一个蜡烛台，托住个玻璃茶壶好靓，啲茶都好香。主角要黎喇，我哋order 咗 一笼小龙包，鸡丝粉皮，水煮牛，蛋白瑶柱炒饭，同埋最重要嘅片皮鸭。而我最惊喜嘅系，佢嘅小笼包，因为！真系！好！好！味！好啱我同男朋友口味！以我哋连续食咗几间餐厅嘅小笼包黎讲，我地最中意系呢间！皮薄，肉刚好，满满嘅汤，最主要嘅系！佢个汤汁带有甜味
每个星期四同男友一齐去揾好嘢食，
呢排都对上海菜上咗瘾，系咁周围食小龙Bell ☺️🥳
咁啱个日去西九影靓相，行下吹下风。
就谂住系OpenRice 揾咗呢间系Element 嘅上海菜试下😉
见到佢环境空旷，靓靓咁，顺便啱埋打卡，几 grand 同男朋友拍拖一流🥰最主要系上几次想食片皮鸭都冇食到！今次就想试下。
一去到就见到外面喺开放式嘅，好chill 都几啱一班朋友仔黎饮酒，倾下计。
岀面就唔系我哋今日嘅target , 我地就入左餐厅入面喇！然后发现，入面！劲！大！仲有两层，我地就坐左系楼上！近窗口位，因为真系好大 ，所以好舒服，环境黎讲真系无得弹。
之后食上海野就唔少得一壶茶解油腻，我哋叫咗香片，佢哋用一个蜡烛台，托住个玻璃茶壶好靓，啲茶都好香。
主角要黎喇，我哋order 咗 一笼小龙包，鸡丝粉皮，水煮牛，蛋白瑶柱炒饭，同埋最重要嘅片皮鸭。
而我最惊喜嘅系，佢嘅小笼包，因为！真系！好！好！味！好啱我同男朋友口味！以我哋连续食咗几间餐厅嘅小笼包黎讲，我地最中意系呢间！皮薄，肉刚好，满满嘅汤，最主要嘅系！佢个汤汁带有甜味，会令人觉得唔厌！食上海一向都会较重口味，食翻小小甜味，就会有另一个胃口咁🤣🤣😋真系好想再食！可惜嘅系佢得四粒！每人得两粒so sad 🥺当饭食我谂我哋可以食每人三至四笼🤣🤣
之后鸡丝粉皮同蛋白瑶柱炒饭就正正常常，粉皮份量正常，当系开胃菜。炒饭就略嫌有少少油，冇乜太特别，如果嗌左小菜想送饭，叫白饭应该都够！因为炒饭都要百几蚊。咁就可以悭返啲叫到笼小笼包啦🥳🤪
然后到水煮牛！本身我唔系好食辣，但花椒嘅辣同香又好中意😂女人真系麻烦！然而，我都接受到呢种辣同真系好香，少少麻。同埋食水煮牛嘅重点 我一直都冇放系啲牛到😂一黎我就捞下个底！识食嘅人就知！😂😂啲薯粉先系重点！而佢哋系用左比较幼身嘅薯粉，冇咁弹牙，扣左小小分，因为我食开较粗同阔身嘅！但个味撘够，不过就一定要配翻啲饭喇，因为真系好惹味！
最后，重点压轴出场，就系片皮鸭了。因为佢即整，所以制作时间略长，食左一半，佢先到，不过我哋都满心期待。果然都冇失望，但就冇乜特别惊喜位，同埋片皮鸭个包皮本都略厚，所以啲皮就食唔晒喇，食晒啲鸭！但整体真系不错，唔会觉得太油腻。
赞！我哋都话又食左餐好食嘅上海野！可以覆桌😂😂🤣🥰
张贴