金牌小龍 (已結業)

今日去左尖沙咀isquare 睇戏，因为睇9点几仲有两个钟净低，就系附近食个晚饭先，见到呢间金牌小龙，都好想食下上海野，尤其是小笼包！餐厅除左有上海菜仲有台湾菜选择，系尖沙咀黎讲呢间都算十分抵食，平均30-60就有个面食！我地唔算好肚饿，先叫我地最想食既小笼包！一笼有5件，我就叫左个蟹黄小笼包，皮够薄，入口汤汁爆哂出黎，又唔会一夹起就穿个皮！蟹黄味道好鲜甜呢！另外我地仲叫左个醉鸡，醉鸡既酒味好香，入口带点微微既酒味，唔会过浓，鸡肉非常嫩滑唔鞋身，而且无骨所以食得好方便，凉凉地好开胃呢！呢度价钱唔贵又好味、下次黎开尖沙咀都会再食！