麥田緣

营业中

休息中

（讲故仔）话说好耐之前入元朗食台湾面，经过见到呢间面包店好精致，仲有得试食！觉得呢间面包店好特别，佢既面包好似自己屋企制咁，食得出味道好新鲜，而且口感好松化。由于实在太好食，有几次都入去食哂大部分既口味，但都系觉得太贵，运完吉就走左。后来同老死经过多几次，老死终于忍唔住，话我明明咁钟意呢间既包，唔应该吝啬廿几蚊，应该支持下，咁先可以确保将来都有得不停试食口味（同新口味）。就系咁，我养成左每次经过麦田缘（其实系每次去元朗都智特登经过一下）都会买一个包既习惯（通常都系试食哂之后）。其中一款最喜欢买的系紫薯朱古力面包。质感超正，食到鲜味，尤其系入面Ｄ紫薯，真系超正！买既时候好似好大个包，但搣搣下好快就KO左。原来支持自己欣赏的店子感觉好好的。同样地，有支持的歌手、歌曲、电影都一样。人大了，知道唔可以习惯唔付出去支持去买，因为个个都系咁，有可能有一日想支持都太迟了。好在麦田缘都有其他小粉丝，而我今天都归队了，最近仲做埋VIP。原来除左油麻地都有店外，听店员讲可能会再开新分店呢！期待。