小老板 (太安樓)

营业中

休息中

餐厅：小老板地点：西湾河太安楼，麦当劳隔离菜式：上海菜餐牌：上海点心，上海面点，酸辣汤，风味小食，饮品生煎包 $12 3只生煎锅贴 $12 3只两款生煎点心用个胶盒装住，入面再加张吸油纸吸油。生煎锅贴个底好脆，入面个馅有菜有肉，唔算油腻。生煎包皮都系整到㶶底，面包软熟，入面肉馅都唔错，如果多d肉馅就更好。菜肉云吞 $20 6粒个汤非常热辣辣，仲加左葱花。云吞都好大粒，皮算薄而入面肉馅同菜馅都唔少，可以话系皮薄馅靓。鱼蛋 $8 5粒烧卖 $8 5粒鱼蛋虽然唔大粒，不过口感都唔错，唔会太淋或者太粉，味道带微微鱼味。烧卖口感都系唔错，size比鱼蛋更大粒。加上秘制辣酱味道好好。酸辣汤 $20 一碗酸辣汤热辣辣，入面超多料，有鸭血，菇菌，豆腐，鸡肉，啖啖都有料，饮落少少似食紧碗仔翅，味道少酸少辣，我觉得好惹味，正。胶兜胶碗唔易漏，拎到返屋企都无出事。价钱超抵食，太安楼果然多平民小食。