雙城吧 (已結業)

已经系第五次黎双城吧食晚餐，其实人流都几多，建议提早book定位会比较好！入去嘅时候，侍应会再问清楚你到底系黎饮嘢定睇嚟食晚餐，然后分开两个地方咁带位，以便照顾唔同嘅客人！有波睇嘅晚上，呢度唔会尤其热闹！加上唔少航空公司都会选择喺呢度落脚，所以成日都会见到好多机司、空姐、空少系入边饮嘢！今次系同朋友食生日饭，两个女仔就唔嗌咁多嘢食，分享住食倾下计为主。小食方面叫咗墨西哥辣肉粟米片，其实餐厅入边你会见到每一台枱面都会有一碟，基本上系必叫，即叫即整热辣辣！不过略嫌淋系上边嘅酱汁分布冇咁平均，有啲粟米片成块都系芝士，有啲粟米片就乜都冇其中最正既系入边既牛油果酱！混合住牛油果酱咁样食清新好多，我哋惊唔够仲特登问侍应要多少少，佢哋都非常大方咁俾咗一大碗我哋自己占黎食主食方面，必叫猪肋骨，每条猪肋骨都系入口即刻离骨，肉质非常嫩滑！而薯格量又多，又大大块！邪恶满分，满足感爆灯！惊食落去太漏，仲可以配隔离嘅菠萝酱或者椰菜沙拉，酸酸甜甜好醒胃！甜品方面我哋带咗个Apple crumble充当生日蛋糕，侍应知道我哋有人生日，仲特登整咗个朱古力牌，非常有心思！上层的曲奇非常松化香脆而且甜度适中，反而系底下嘅