泰嘉雯泰式去骨海南雞飯

营业中

休息中

从来冇去过大角咀食嘢, 今次由为食朋友带我去食, 嚟到呢间小店, 无论入面或者外卖都几多人, 不过吹住水等都唔觉, 而且呢度都系速食, 啲食客都唔会食完唔走, 个个都好识做~舖头面积唔大, 只系得几张枱, 全部坐满都唔够廿人, 不过流量都好快, 你又可以望到厨房, 因为舖头尽头已经系, 如果冬天个个着到米芝莲咁, 都几迫架~ 海南鸡拼猪手饭呢两味𩠌都系佢嘅招牌菜, 所以一定要食~ 海南鸡都好肥美, 唔钟意肥果啲人就会唔太接受, 但好滑, 至于个猪手, 味道系几入味, 但佢未清净猪毛, 有啲反感~  鸡丝汤金边粉走青后个样好dry, 但味道一啲都唔dry, 个汤好清, 但清得嚟系有味, 唔会系师傅汤, 趁热饮好正~ 鸡丝比海南鸡好得多, 因为佢够瘦, 又啖啖肉, 真系差不多成碗可以清底~