INN - I’m Not Nothing (已結業)

妹子趁到元朗工作相约晚餐，顺便庆祝旧历生日，这家餐厅无论门面，还是店内装潢，也给人一种在小花园的闲适感。两个人也想轻食，所以叫咗一个沙律、小食、意大利饭、甜品一齐分享。沙律系水牛芝士蕃茄罗勒配黑醋，最钟意食水牛芝士，夹埋新鲜蕃茄好食呀，当然，点埋厚身黑醋就更开胃。煮马拉蚬要点赞蚬大只味道鲜甜，带少少酒香同微辣，食到停唔到口呀。龙虾牛肝菌意大利饭，饭质口感湿糯带少少芯，好香菇菌味，龙虾肉质爽弹，唔错甜品拣咗法式班戟 ，配新鲜士多啤梨、颜色黑黑嘅蓝莓酱，上面有忌廉加少少水果干同薄荷叶装饰。班戟系软薄多层底，口感软韧，夹埋配料一齐食都几夹。抹茶拿铁拉花好靓，绿茶味香浓。店内气氛不错，整晚不停有顾客入坐。