金城小廚

营业中

休息中

朋友儿子结婚，今晚约了出嚟食饭派帖，问我大围市中心有乜食?大围食肆唔少，但、好食的只有几间而已。想到一位也是住大围的旧公司拍档介绍过金城小厨，金城小厨以前在显径冬菇亭都几好食，但搬了过来海福花园，开咗咁耐，我都冇去过。几个朋友食饭聚旧，揾中式食肆，可以坐得耐少少，倾吓偈，就打去订位。来到才知道，原来呢间金城有两个舖位的，一间在对正马路既大街，另一间在便利店条巷仔行入去的内街。坐低后，店员告诉我们，只有1小时15分钟，即时晴天霹雳，吓.....订位时又唔讲的。 我们叫了胡椒猪肚鸡煲(味道还好，但胡椒味唔够重)，焗鱼肠(焗得唔够香脆，鱼肠也不多)，咕噜肉(正常)，安格斯牛柳粒(正常)，水煮鱼(最后上错了水煮牛，为免浪费时间，照食，牛肉好嚡，唔系用滑牛，个辣汁完全唔掂，唔系正常水煮食物的汁底)，椒丝腐乳通菜(腐乳味唔够浓郁)，淮山木耳炒四季豆(正常)，汤(好味，但都几油)及鸡脚小食(好淋，好食的)都是坐低便自动上台的。何为"正常"??即系唔算很出色，但也不差，大路口味。食到快够钟，要追单才上菜，被迫食到过钟，但他们都没赶我们交台，可能知道迟了上菜，食饱见到门口已经有人在等位，我们都不好意思