順濠坊 (已結業)

返工日子最爽就系放工去食好西嘅时刻，想爽爽佢所以就约左妈咪去食一间小菜，佢就悭返啲力水可以唔洗煮啦！间唔中都要咁样调剂享受下人地煮埋嚟就食嘅感觉㗎嘛！呢间顺濠坊可以打边炉又可以食小菜，两样都想就两样都嚟啲啦，我想食酸菜鱼又想食九肚鱼！两样嗌晒就够满足啦！酸菜鱼劲大煲，啲鱼嫩滑鱼汤奶白色好清甜有家嘅感觉！两个人食真系觉得啲鱼食极都食唔完咁仲有唔同嘅菇作配料，好丰富！仲点左椒盐九肚鱼，外面劲酥脆内里好软滑！连埋蒜片一齐食仲香口！仲有好惊艳系佢地嘅醉猪手，本身仲惊系冻上嘅，但原来系热腾腾药膳猪手再带点酒香啫！猪手旧旧都好大旧，最正系猪皮充满胶质嘅部分，筋位都好爽口！最后再食埋炒莴笋就刚刚好啦，唔油仲keep到爽脆嘅莴笋就知呢度炒野好掂！