順德小廚

营业中

休息中

外卖平台叫外卖，见呢间餐厅有7折，两个小菜加一炒饭，埋单岩岩$200，味道唔错，份量足，大大碟，性价比高👍 椒盐九肚鱼 $67.2送到黎仲系脆口，一碟十几条，有炸蒜系面，炸粉丝垫底，另附上喼汁 顺得小炒皇 $71.4用料足，少少辣，非常惹味😋除左必定有既韮菜花外，仲有菜圃、腰果，同埋炸过既虾干、白饭鱼、烟肉，最特别系有埋鸡软骨，口感丰富👍 福建炒饭 $57.4超大碗，炒饭底足足有4大碗，用料同芡汁都有一碗，炒饭有获气，蛋香味重，材料有菜头、红萝卜、鸡柳、虾仁、珍珠带子、冬菇、瑶柱丝，非常足料 7折真系相当抵食，$200份量已经足够三人食用😊小菜加𩠌之选，唔使自己煮得咁辛苦