香港永年車仔麵茶冰廳

营业中

休息中

放工买二人小菜晚餐拣两个小菜，有两个炖汤、白饭、饮品，要upgrade小菜都系加少少钱，出名嘅樽仔奶茶都系加几蚊。有酒楼水准嘅咸柠陈皮蒸乌头，咸柠檬味同甘香陈皮味煮出嚟嘅酱汁，令到乌头鱼嘅味道提鲜，攞到返屋企食都仲好好味。例牌招牌葱油鸡，足够二人份量，鸡皮有啲肥，但胜在鸡肉够嫩滑，充满油香嘅葱油豉油，送饭简直一流。今日炖汤系苹果雪梨炖猪展，炖汤冇咩油，浓郁汤头够哂滋润。个餐包埋嘅腐乳通菜同加几蚊转樽仔奶茶，抵到烂！由于老婆好为食，其中一个白饭我都加咗几蚊转幼面，仲叫埋佢钟意食嘅韭菜猪红、同三样净𩠌（凤爪、牛筋、酸斋，永年辣汁），结果返到去摆到枱都摆唔晒，但我哋就食得非常满足！外卖都好好味！