協盛大排檔 (已結業)

晏昼打电话嚟唔通，结果要亲身嚟订枱，重要坐系街边。七点钟到嘅时候已经全场爆满，重有好多人等枱。伙记唔多够，但如果唔介意自己招呼自己都算ok，而且老板都好好倾。叫咗个咸菜蕃茄粉肠汤底，个汤几好味，d 粉肠又够粉，掂。食物有手切肥牛、四宝丸、羊片、鸡片、脆鲩等，个肥牛好有牛味，而四宝丸就好似其他食评讲咁正，弹牙又甜，其他火㶽料都好有水准。另外叫咗滑鸡煲仔饭，d饭索咗d鸡油好好味，重有饭焦。小菜就食咗豆泡蒸鱼云同炸腰果虾干豆腐粒，前者唔错，个鱼云够新鲜，后者就出乎意料咁正:香口好味，送饭送啤酒都一流。呢到食品个人觉得非常满意，价钱亦非常抵，七个人饮咗三枝啤酒食到饱晒都系六百零蚊。但如果对环境有要求的话就未必合心水。