四寶食堂 (華凱大廈)

营业中

休息中

今晚同朋友去咗炮台山一间茶餐厅食晚饭，呢间餐厅有小菜供应，全部加 $28 就有炖汤同白饭，几抵食。茶餐厅厨师手艺唔错，价钱合理，环境虽然普通，但食物质素令人满意。🏅山楂汁脆皮拔丝咕噜肉系必试之选，外皮香脆，酸甜适中，仲带少少拔丝效果，好有惊喜！🏅清蒸海班仔火候刚好，鱼肉嫩滑，豉油调味恰到好处，完全唔会过咸。🏅黑胡椒大虾粉丝煲，大虾够结实，黑胡椒味浓郁，粉丝吸晒精华，入口超惹味。🏅榄菜肉松四季豆炒得干身，四季豆爽口，榄菜同肉松提升咗整体味道层次，送饭一流。 🏅炖汤够足料，味道醇厚，绝对对得住个价钱。