鴨子園 (已結業)

天水围愈来愈多餐厅进驻，只要你谂到想食咩，附近商场都能满足到你，真系食得方便，而且好容易找到好食的餐厅。前几天来到这间食北京填鸭有名的鸭子园，朋友告知他早前晚市来到想食填鸭已经卖完，今次我地黎到食午市就可以试到了，看来哩间餐厅的填鸭好受欢迎。入到餐厅第一反应是：哇，装修得咁靓既！餐厅的装修非常精致，有种中西合璧的感觉。环境的确能提升食客用餐的心情。打开餐牌见到有午市套餐，价钱大众化，免加一及茶芥系加分位，我地点左一个烤填鸭同黄金虾球套餐。大约等左10分钟左右就上菜了，上餐速度快！套餐包一碗老火汤及白饭，特别一提是碗冬瓜火鸭汤好清甜，跟餐送既都唔系求其，好饮。北京填鸭肉嫩皮薄，夹住青瓜同填鸭皮食好味道！谂番起都好耐冇食过北京填鸭喇，今次食番格外好食。另外仲点左醉乳鸽，花雕酒好香，乳鸽都大只多肉，完全高水准，我地都对哩碟小菜赞口不绝。黄金虾球炸到金黄色，外层的咸蛋黄酥炸金香，虾球爽口，真系好食！是日的另一亮点系哩碗酒酿汤丸，跟餐加$10，好抵，落单果阵叫左一碗，点知食左一啖已经要追加多一碗，淡淡清香桂花，汤丸薄皮多芝麻，好食到一啖汤水都饮清光。下次一定会再黎食，而且必会点哩碗酒酿汤丸！