竹園台式火鍋飯店

营业中

休息中

好唔掂的大排档，无下次。渔湾街市楼上新开张一个月左右，星期六同太太过嚟食晚饭，点知食到一肚气。大排档格局，嘈就预咗，有得拣食小菜或打边炉，两个人简单叫了三个小菜。先来一枝大蓝妹，战斗碗上，够冰冻，估唔到全晚最正就系呢杯啤酒。👍第一道𩠌「冰梅骨」：等了差不多30分钟先到，碟𩠌打风咁，唔明点解叫冰梅骨，我预期系冻嘅梅子排骨，点知上枱即不是冻食，又没有梅子味，食到系热嘅榄角蜜糖排骨。排骨好细粒，太干身。👎👎👎之后无耐上了「椒盐双鱿」：双鱿即是干鱿鱼及新鲜鱿鱼。我和太太都不太欣赏，普通质素，食唔到大排档嘅火候和风味，又系太干身。👎👎👎最后呢碟「咸鱼白菜仔」先谷气，两个𩠌食晒都未到，先后嗺咗两次，足足一个半钟先上枱。唔系太太每餐都要食下菜，一早Cancelled 咗。几条白菜仔，搭少少咸鱼炒，底有啲咸鱼都未切碎，完全冇心机炒。👎👎👎👎👎街市楼上大排档，价钱唔算平，但冇质素，仲要漏单，不会再帮衬。