雅苑小廚 (已結業)

夜晚放工唔想去去APM食啲集团式餐厅，可以试吓呢间。虽然佢系普通茶餐厅，但系啲小菜都唔错。今次叫咗梅菜蒸肉饼同椒盐茄子鲜鱿，首先讲个蒸肉饼先，啲梅菜食落口唔太咸，同埋啲猪肉唔算太多梳打粉，食落口啲猪肉唔算太淋。另外个椒盐茄子鲜鱿，啲茄子食落都几香脆，外脆内软，配埋啲炸蒜蓉几好食。而啲鱿鱼亦都唔系多炸粉，又唔系炸咗好耐，食落口都几弹牙。而最紧要系呢碟茄子鲜鱿上枱时仲系热辣辣，唔系摆咗好耐同一早炸定，整体呢两味𩠌唔错，值得再去试其他𩠌。