水記

营业中

休息中

前几日同朋友去左食例牌水记，谂唔到食咩就一定系食依间😂不过佢个位置对我黎讲真系几难揾，因为似似都夜晚去，所以成日都唔认得啲路。同依两条友食嘢系冇得用手机的，不过勉强影左两张！入正题！水记系食打冷嘢的！啱我口味！😂😂😂😂而且食左几次都唔厌。已经系入左个人回头草餐厅系列之一。❤️每次必叫，蚝饼！！依到嘅蚝饼真系好大份！而且劲香口！！超热气！不过都会食！哈哈！佢嘅蚝真系一粒粒好饱满，而且冇咩粉感，似系净沟蛋䊢一齐炸咁。每一啖都好满足，如果可以加多啲莞茜就好啦！！❤️蒜蓉蒸陈村粉个人黎讲，系必食嘅！！陈村粉滑嫩，吸晒蒜蓉嘅香味同鼓油，好香又唔感，就咁食到停唔到口，一碟大大份，认真大件夹好食！！❤️冬阴公汤材料比岀面嘅都非常足，而且又系超大碗，啲料足够喂饱你。虽然味道不错，但始终欠缺东阴公应有嘅酸辣，刺激感。另外仲叫左卤味拼盘，以为叫左细嘅就食得完，点知又系大大份，啲鹅肠仲要好多添，卤味足而且好香，不过食下食就会觉得好咸！一定要送大量饭！！