影片
更多
2012-10-04
276 浏览
又去青衣探朋友，上次念念不忘黄金虾，今次一定再接再励。朋友仲话，最近肥佬德推出盆菜，话可以预订顺便留埋台，我地六个大人三个小朋友，就叫左个中盆，谂住到时再叫其他小菜。去到个阵，都坐满九成，好在有留台，坐低之后，侍应就拎个包好晒既盆菜出来，上面贴住张纸，「感谢你」之余〝教我地点样食盆菜，好细心！我地跟指示打开锡纸，再倒d汁落去，然后就等佢滚，滚到咁上下，真系好香呀~~~一打开，d料都摆得好靓，因为个汁较得好，加上d野本身调左味，大部份都好惹味，当中既鱿鱼、扣肉、萝卜、鲮鱼球系真心推介 (食左一旧鱿鱼就被抢晒，阴公)，而且又唔同出面个d山珍海味盆菜，呢个系sell家乡风味，更加啱屋村既平民形象。不过面头个几只中虾，可能系一早整定既关系，到我地食既时候，d肉有d稔稔地，呢度可以改善下，不过整体系十分满意既。除左试个盆菜，仲叫左其他小菜：黄金虾：不枉我日夜思念，黄金够香，虾够大够爽，虾头都唔放过，能够保持水准！本人食过十大最佳菜色之一！炸乳鸽：好似话都系招牌菜之一，皮炸得好香脆，肉都好多汁，不错。小炒王：无欺场，好大碟，好味够镬气，仲要今次既腰果好脆，抵赞。金银蛋白菜：又好难有咩特别……其实都
去到个阵，都坐满九成，好在有留台，坐低之后，侍应就拎个包好晒既盆菜出来，上面贴住张纸，「感谢你」之余〝教我地点样食盆菜，好细心！我地跟指示打开锡纸，再倒d汁落去，然后就等佢滚，滚到咁上下，真系好香呀~~~
一打开，d料都摆得好靓，因为个汁较得好，加上d野本身调左味，大部份都好惹味，当中既鱿鱼、扣肉、萝卜、鲮鱼球系真心推介 (食左一旧鱿鱼就被抢晒，阴公)，而且又唔同出面个d山珍海味盆菜，呢个系sell家乡风味，更加啱屋村既平民形象。不过面头个几只中虾，可能系一早整定既关系，到我地食既时候，d肉有d稔稔地，呢度可以改善下，不过整体系十分满意既。
除左试个盆菜，仲叫左其他小菜：黄金虾：不枉我日夜思念，黄金够香，虾够大够爽，虾头都唔放过，能够保持水准！本人食过十大最佳菜色之一！
炸乳鸽：好似话都系招牌菜之一，皮炸得好香脆，肉都好多汁，不错。
小炒王：无欺场，好大碟，好味够镬气，仲要今次既腰果好脆，抵赞。
金银蛋白菜：又好难有咩特别……其实都系好食。
炸大肠：今次稍为失色，d肠太肥，虽然外面炸得好香，但条肠太厚炸唔透，无上次咁好食。
我地见d餐牌个d，全部都更新左，有个人样(肥佬德？)新logo，仲有facebook呀QR code咁，都好与时并进，唔知下次黎会唔会又有咩新野搞？
可以继续翻兜。
张贴
